Bearráigeahččodoaibma ja kvalitehtasihkkarastin
Riikadárkkisteaddji doaibma dárkkistuvvo máŋgga ládje bearráigeahččodoaimmas ja kvaliteahttasihkkarastimis. Olgguldas aktevrrat dárkkistit min sierra njuolggadusaid ja standárddaid vuođul, seammás leat mis iežamet siskkáldas kvaliteahtasihkkarastin rutiinnat.
Riikadárkkisteaddjis lea vuođđolágas sorjjasmeahttunvuođa suodji dasa mii galgá dárkkistuvvot ja makkár vugiid mii geavahit. Muhto dego eiseváldi de fertet mii čuovvut eiseválddiid almmolaš njuolggadusaid, ovdamearkka dihte mii guoská almmolašvuhtii ja čiegusvuhtii. Riikabeaivvi áššeolbmát (JO) maid bearráigehččet Riikadárkkisteaddji.
Riikabeaivi lea min oamasteaddji
Jahkečilgehus
Riikabeaivvis lea ekonomalaš ovddasvástádus Riikadárkkisteaddji badjel. Dat mearkkaša earret eará ahte min jahkečilgehusas riikabeaivái galgat min čilget doaimma ja daid ruđaid mii hálddašit.
Riikadárkkisteaddji geige jahkásaš raportta riikabeaivái
Deaŧaleamos mearkkašumit bevttolašrevišuvnna- ja jahkásaš revišuvnna dárkkisteamis čohkkejuvvo raportii mii geigejuvvo riikabeaivái juohke jagi. Finánsalávdegoddi válbmi dan ja gárve smiehttamuša maid riikabeaivi mearrida. Ovttas min dárkkistanplánain addá dat jahkásaš raporta ovttastahtton gova dárkkistandoaimmas.
Rabas gažadeapmi riikabeaivvis
Juohke jagi bovde finánsalávdegoddi riikarevisora rabas gažadeapmái riikabeaivvis riikarevisora dárkkisteami birra. Rabas gažadeapmi lea oassi riikabeaivvi jahkásaš raportta válbmejumis ja vejolašvuohta riikarevisorii muitalit riikabeaivvi áirasiidda mearkkašemiid birra maid min leat dahkan ja maid min dárkkisteapmi lea mielddisbuktán.
Siskkáldas revišuvdna
Lágas daddjo ahte Riikadárkkisteaddjis galgá maid gávdnot siskkáldas stivrejupmi ja isitvuohta mii doaibmá dorvvolaččat. Eiseválddi siskkáldas revišuvdna galgá dárkkistit jus jođiheami siskkáldas stivrejupmi ja isitvuohta lea hábmejuvvon buori vuogi mielde.
Parlamentáralaš dárkkisteamit maid Riikadárkkisteaddji lea dahkan
Parlamentáralaš guorahallamiid bokte sáhttá Riikabeaivi dárkkistit min organisašuvnna ja doaimma. Dat leat dahkkon golmma háve dan rájes go Riikadárkkisteaddji ásahuvvui 2003.
Cuoŋománu 2007
Riikabeaivvi stivra bijai johtui parlamentáralaš guorahallama gohččumušain čuovvolit Riikkarevišuvdnareforpma mii čađahuvvui 2003. Guorahallan siskkildii earret eará min stivrra, jođiheami ja got min leat hálddašan beaktilvuođaguorahallamiid.
Skábmamánu 2016
Riikabeaivi mearridii čađahit ođđa parlamentáralaš guorahallama mii earret eará gieđahalai riikarevisoraid, gaskavuođa gaskal riikabeaivvi ja Riikadárkkisteaddji, bevttolašrevišuvnna ja muhtin dilálašvuođaid Riikadárkkisteaddjis. Guorahallan loahpahuvvui 2018.
Juovlamánu 2018
Riikabeaivvestivra mearridii čohkket parlamentáralaš komitea mas bargu leai ovdagáttuid haga guorahallat Riikadárkkisteaddji jođihanstruktuvrra. Komitea geigii sin loahppacealkámuša 2019.
Kvaliteahttasihkkarastin
Mii sihkkarastit kvaliteahta dárkkistandoaimmas sihke jahkásaš revišuvnnas ja bevttolašrevišuvnnas iežamet vuolggahusas. Olgguldas aktevra dárkkista dasa lassin jahkásaš revišuvnna dárkkisteami.
Dela i sociala medier och via e-post
Kontakta OSS
Skicka dina frågor eller synpunkter via formuläret nedan så ser vi till att de når rätt handläggare. Ange gärna om din fråga har att göra med informationen på just den här sidan. Genom att skicka in en fråga till oss medger du behandling av dina personuppgifter i enlighet med EU:s dataskyddsförordning (GDPR).