Riikadárkkisteaddji birra guovtti minuvttas
Dáppe sáhtát geahččat oanehis diehtojuohkinfilmma Riikadárkkisteaddji birra. Got sáhtát don dego stáhta borgár oaččut ávkki stáhta revišuvdnaeiseválddis? Filbma lea vuosttamužžan dárkkuhuvvon dutnje gii vázzát joatkkaskuvllas muhto sáhttá maid geavahuvvot dego álggahus buohkaide geain lea beroštupmi oaččun dihte áiccalmas gova Riikadárkkisteaddji rolla birra stáhta hálddahusas.
FILMMA SISDOALLU TEAKSTAHÁMIS
Servodat rievdá geažos áiggi sierra politihkalaš mearrádusaid dihte - mearrádusat mat dakkaviđe váikkuhit du árgabeaivvi, ja mat geahpidit, muhto maid ráddjejit du eallima.
Sáhttá ovdamearka dihte meannudit:
- Makkár rievttit, ja geatnegasvuođat dus leat dego stáhtaborgár,
- got sierra vearut ja divvagat hábmejuvvojit,
- got don birget du ealiheamis go don it sáhte bargat,
- got don sáhtát leat sihkar ahte borrosat dahje dálkasat eai leat váralaččat.
- dahje got mii suodjalit iežamet vejolaš konflivttas.
Dát ja ollu eará mearrádusat váldojuvvojit riikabeaivvis, ráđđehusas, ja dain eará sullii 300 stáhta eiseválddiin main lea bargun fállat buori servodatfálaldaga, ja maid dárkkistit ahte njuolggadusat ja mearrádusat čuvvojuvvojit.
Muhto got diehtá ahte eiseválddit leat doaimmalaččat ja ahte dahket dan maid galget? - Juo, dan ferte bearráigeahččat. Dat lea revišuvdna.
Riikadárkkisteaddji lea eiseváldi mas sorjjasmeahttunvuohta lea suddjejuvvon vuođđolágas. Min doaibma lea dárkkistit visot stáhta doaimmaid - ráđđehusa, eiseválddiid ja stáhta oamastuvvon fitnodagaid. Mii árvvoštallat politihkalaš nuppástuhttima váikkuhusaid ja mii sáhttit oaidnit jus vearroruđat geavahuvvojit bevttolaččat.
Riikadárkkisteaddji ruovttosiiddus gávnnat min dárkkistanraporttaid, mat čuvgejit sierra osiid servodagas. Dáppe gávdnojit maid cealkámušat got eiseválddit hálddašitsin barggu. Min čađa ožžot, eai dušše politihkkarat Ruoŧa riikabeaivvis, muhto maiddai don, háhkanvejolašvuođa deaŧalaš dihtui got stáhtta doaibmá odne. Máhttu masa sáhtát luohtidit ja maid sáhtát ávkkástallat go háliidat geavahit du demokráhtalaš rievtti váikkuhit ja háhkát opiniovnna.
Go don háliidat váikkuhit ja rievdadit - dan mii du váikkuha.
Dela i sociala medier och via e-post
Kontakta OSS
Skicka dina frågor eller synpunkter via formuläret nedan så ser vi till att de når rätt handläggare. Ange gärna om din fråga har att göra med informationen på just den här sidan. Genom att skicka in en fråga till oss medger du behandling av dina personuppgifter i enlighet med EU:s dataskyddsförordning (GDPR).