Riikkaidgaskasaš ovdánahttinovttasbargu
Áigumuš Riikadárkkisteaddji riikkaidgaskasaš ovdánahttinovttasbargguin (IU) lea ahte doarjut sorjjasmeahttun professionála revišuvdnaorgánaid ovdáneami, dagahit ahte šaddá demokráhtalaš ovdáneapmi ja nannet parlameanttaid dárkkistanfámu sierra guovlluin máilmmis. Dál mii jođihit prošeavttaid Afrihkás, orjješlulli Eurohpás ja Ásias.
Ovdánahttinovttasbarggu vuolggasajit
Ovdánahttinovttasbarggus mii bargat guhkitáigásaš ovttasbargoprošeavttaiguin mii doarju institušuvnnalaš ja professionála kapasiteahttaovdánahttima min guoibmeinstitušuvnnaiguin.
Min vuolggasaddji lea doarjut daid reforpmaid ja strategiijaid mat oahpistit min guoibmeinstitušuvnnaid ovdáneami. Oppalaš ulbmil min prošeavttain lea váikkuhit vai revišuvdnaeiseválddit maid min doarjut sáhttet doaibmat ja bargat riikkaidgaskasaš revišuvdna standárddaid mielde. (ISSAI)
Min ovttasbargoprošeavttat siskkildit dábálaččat doaimmaid mat gusket doaibmilis revišuvdnaprosessii, ovddidit kompetánssa ahte čállit geavaheddjiide áddehahtti alladássásaš revišuvdnaraporttaid ja maid ásahit kvalitatiiva oktavuođaid
berošteddjiiguin. Ovdamearkkat prošeaktadoaimmain leat neavvuma ja praktihkalaš bagadusa bokte doarjut riikkaidgaskasaš revišuvdnastandárddaid čađaheami.
Dábálaččat min bálkádit olbmuid máŋga sierra osiin Riikadárkkisteaddji doaimmas mat besset leat mielde vissis prošeavttas- dahje joavkkus dego oanehisáiggi áššedovdin. Dáin joavkkuin lea erenomáš ovddasvástádus plánemii, gávdnat bargiid ja prošeavttadoaimmaid čađaheamis. Mis leat maid temáhtalaš bargojoavkkut vásáhuslonuhallamii, oktiiheiveheapmái ja ovddidan dihte vugiid.
Oassi ovdánahttinovttasbarggus lea maid ahte Riikadárkkisteaddji váldá olgguldasrevišuvdna bargguid riikkaidgaskasaš organisašuvnnain main lea ovdánahttinmandáhtta.
Riikadárkkisteaddjis lea strategiija riikkaidgaskasaš ovdánahttinovttasbargui. Dat namuha barggu ulbmiliid ja áigumušaid ja identifiere doaimma vuorohemiid 2021-2022.
Riikkaidgaskasaš organisašuvnnaid revišuvdna
Riikadárkkisteaddjis lea mandáhtta váldit olgguldasrevišuvdna bargguid riikkaidgaskasaš organisašuvnnain, ovdamearka dihte ON-orgánain dahje eará ovttasbargoorganisašuvnnain gos Ruoŧŧa lea miellahttu. Dego olgguldasrevisor de Riikadárkkisteaddji ovddemusat dárkkista organisašuvnnaid jahkečilgehusaid, ja muhtomin maid jus doaibma lea čađahuvvon beaktilit ja ulbmiliid mielde.
Riikadárkkisteaddji lea 2020 rájes bargan aktiivvalaččat váldin dihte eanet olgguldasrevisora bargguid riikkaidgaskasaš organisašuvnnaide main lea ovdánahttinmandáhtta, dat mearkkaša organisašuvnnat main doaibma čuvvo riikkaidgaskasaš veahkkekriteriaid.
Stuora oassi ruoŧa veahkis kanaliserejuvvo multilaterála organisašuvnnaid bokte, ja lea deaŧalaš Ruŧŧii vai návccat geavahuvvojit čađačuovgi, doaimmalaččat ja ulbmillaččat. Riikadárkkisteaddji sáhttá váikkuhit dása go váldá olgguldasrevisorbargguid ja dárkkista riikkaidgaskasaš organisašuvnnaid.
Ulbmil ja ruhtadeapmi
Riikabeaivi dat ruhtada doaimma 50 miljovnnain jahkásaččat. Dat galgá geavahuvvot riikkaidgaskasaš ovdánahttin ovttasbarggus Ruoŧa globála ovdánahttinpolitihkka ulbmiliid ja áigumušaid mielde.
Riikadárkkisteaddji ulbmil lea veahkehit nannet našuvnnalaš revišuvdnaeiseválddiid gelbbolašvuođa čađahit revišuvnna riikkaidgaskasaš standárddaid mielde.
Boađus
Juohke njealját jagi raportere Riikadárkkisteaddji riikkaidgaskasaš ovdánahttinovttasbarggu bohtosiid, mas ovddidanriikkaide lea addon doarjja ovddidit sin čehppodaga čađahit revišuvnna ja nannet našuvnnalaš parlameanttaid dárkkistanfámu. Maŋemus raporttas, mii siskkilda jagiid 2015-2018 dieđihuvvojit olahuvvon ulbmilat, vuosttamužžan vuolggahuvvon olgguldas árvvoštallamiin, muhto maid iežas árvvoštallamiin.
Dela i sociala medier och via e-post
Kontakta OSS
Skicka dina frågor eller synpunkter via formuläret nedan så ser vi till att de når rätt handläggare. Ange gärna om din fråga har att göra med informationen på just den här sidan. Genom att skicka in en fråga till oss medger du behandling av dina personuppgifter i enlighet med EU:s dataskyddsförordning (GDPR).