Riikkaidgaskasaš ovttasbargu ja oktavuođat
Riikadárkkisteaddjis lea viiddes siskkáldas ovttasbargu riikkaidgaskasaš organisašuvnnaiguin ja oasálastá sierra fierpmádagaiguin revišuvdnasuorggis. Juohke jagi váldá Riikadárkkisteaddji vuostte máŋga riikkaidgaskasaš gallededdjiid, vuosttamužžan eará riikkaid revišuvdnaeiseválddiid dahje parlameanttaid. Riikadárkkisteaddji ožžo maid ollu jearaldagaid ja jearaldatskoviid eará našuvnnaid revišuvdnaorgánain, riikkaidgaskasaš organisašuvnnain, dutkiin ja nu ain mat vástiduvvojit čálalaččat.
INTOSAI GOVERNING BOARD, 2017.
Riikadárkkisteaddji riikkaidgaskasaš ovttasbargostrategiija
Riikadárkkisteaddjis lea riikkaidgaskasaš ovttasbargostrategiija. Strategiija addá oktasaš ulbmilgova Riikadárkkisteaddji riikkaidgaskasaš ovttasbarggus. Dat čuvvo dan guhkitáigásaš plána čuožžovaš áigodahkii 2021-2024.
Vásáhuslonuhallan ja ovttasbargu
INTOSAI
INTOSAI – International Organisation of Supreme Audit Institutions – lea globála fátmmasteaddji organisašuvdna našuvnnalaš revišuvdnaorgánaide – Supreme Audit Institutions, SAI. Organisašuvnnas leat 194 miellahttu ja váldo čállingoddi lea nationála revišuvdnaorgánas Lulliriikkas.
INTOSAI ulbmil lea ásahit foruma miellahtuide lonuhallan dihte máhtu ja vásahusaid oahppan dihte nubbi nuppiid loahppabohtosiin, áigumusain ahte ovddidit revišuvnna almmolaš sektoris. INTOSAI váldodoaibma lea áigumuš standardiseret ja kapasiteahttaovddideapmi. Bargu čađahuvvo váldolávdegottiin main leat vuollejoavkkut.
Bajimus mearrideaddji orgána lea INCOSAI – International Congress of Supreme Audit Institutions – mii čoahkkinastá juohke goalmmát jagi. INTOSAI stivra – Governing Board – dat jođiha ja doallá jotkkolašvuođa kongreassaid gaska. Das leat 21 miellahttu mat čoahkkinastet oktii jagis.
INTOSAIas leat čieža regionála bargojoavkku. Riikadárkkisteaddji gullá eurohpálaš regionála organisašuvdnii EUROSAI.
Ovddidit kapasiteahttaovdánahttima
INTOSAI Capacity Building Committee (CBC) lea organisašuvnna váldolávdegoddi kapasiteahttaovddideames.
CBCa bargojoavkkut fokuserejit earret eará revišuvdnaprofešuvnna ovddideapmái ovdamearka dihte dainna lágiin ahte geahpidit árvvoštallamiid revišuvdnaeiseválddiid gaska (peer review) ja lasi vejolašvuođat oktasaš dárkkistemiide sierra regiovnnain. CBC ovddida maid metodaid ja veahkkeneavvuid nannen dihte revišuvdnaeiseválddiid integriteahta. Lávdegotti bargu mielddisbuktá ahte jáhkehahttivuohta ja luohttevašvuohta lassána stáda revišuvdnii sihke našuvnnalaš dásis ja riikkaidgaskasaš dásis, ja ahte šaddet stuorit váikkuhusat dárkestemiidda sierra riikkain.
CBC bargá dan ovdii ahte ovttasbargu buoriduvvo gaskal INTOSAI ja regionála organisašuvnnaid ja maid lagas ovttasbargu INTOSAI eará váldolávdegottiin ja INTOSAI Development Initiative, okta norgalaš vuođđudus mii doarju revišuvdnaeiseválddiid.
Loga eanet
Loga eanet INTOSAI Capacity Buildning Committe birra
Loga eanet INTOSAI Development Initiative birra
INTOSAI standardiserenbargu
Okta INTOSAI:a váldoulbmiliin lea hukset globálalaččat dohkkehuvvon revišuvdnastandárddaid. Dát bargu dahkko sihke finánsarevišuvnnas, bevttolašrevišuvnnas ja njuolggadusdoahttalan revišuvnnas. Riikadárkkisteaddji oasálastá aktiivvalaččat standárdaovdánahttimis finánsarevišuvnnas ja bevttolašrevišuvnnas. Riikadárkkisteaddji ii geavat juste dal njuolggadusdoahttalan revišuvnna standárddaid.
INTOSAI standárdat finánsarevišuvnnas leat huksehuvvon daid standárddaid vuođul mat buvttaduvvojit ovttasbargoorganisašuvnna priváhtta sektora revisorain.
Go revišuvdnaeiseválddit sierra riikkain geavahit seammá standárddaid ovddiduvvo kvaliteahtta ja buohtalastinvejolašvuohta barggus. Dasa lassin álkidahttet oktasaš standárdat ovttasbarggu oktasaš čuolmmaid dárkkisteames.
Loga eanet
EUROSAI
EUROSAI lea regionála organisašuvdna INTOSAIas masa leat čadnon 50 nationála revišuvdnaeiseválddit Eurohpás, ja maid Eurohpálaš Revišuvdnariekti.
EUROSAI bargá vuosttamužžan guovtti strategalaš ulbmilsuorggis. Vuosttas áigumuš lea doarjut professionála ovttasbargguid mat dahkkojuvvojit beaktilis, innovatiiva ja áššáiguoskevaš dárkkistemiiguin. Nubbi ulbmilsuorggi áigumuš lea veahkehit revišuvdnaeiseválddiid ávkkástallat ođđa vejolašvuođaid ja gieđahallat hástalusaid nu ládje ahte doarjut sin institušuvnnalaš ovdáneami. Riikadárkkisteaddji jođiha dán barggu ovttas Polska revišuvdnaeiseválddiin.
Loga eanet
Davviriikalaš ovttasbargu
Riikadárkkisteaddji searvá eahpeformálalaš ovttasbargui davviriikkaid riikadárkkisteddjiiguin. Davviriikalaš ovttasbarggus lonuhallet eiseválddiid jođihangottit vásáhusaid nuppiiguin ja digaštallet oktasaš jearaldagaid nu got ovdamearka dihte kvaliteahttasihkkarastima dahje revišuvdnaárvvoštallama. Ovdamearkka dihte čađahit davviriikkaid eiseválddit bálddalas dárkkistemiid ovttas.
Dela i sociala medier och via e-post
Kontakta OSS
Skicka dina frågor eller synpunkter via formuläret nedan så ser vi till att de når rätt handläggare. Ange gärna om din fråga har att göra med informationen på just den här sidan. Genom att skicka in en fråga till oss medger du behandling av dina personuppgifter i enlighet med EU:s dataskyddsförordning (GDPR).