Rijkkarevisjåvnnå – iesjrádak guoradalle stáhta dåjmas
Bälostahtek guoradallama baktu, mij biedjap bihkusij gåsi stáhta rudá manni, man buoret fábmudagá barggi ja jus politihkalasj märrádusá tjadájduvvi gåk galggi.
Gájkajs la rievtes diehtet gåk stáhta huksá suv dåjmav
Dån galga máhttet luohtedit vaj da märrádusá ma váldeduvvi tjuovoduvvi ja vaj värrorudá aneduvvi dåjmalattjat. Mijá guoradallama li viehkken vuojnet gåk stáhta ámmáda doajmmi.
Rijkkarevisjåvnnå la fábmudak rijkabiejve vuolen. Mijá ámmát la åtsådit diedojt gåk stáhta ámmáda doajmmi. Mij guorrap ráddidusáv, stáhta fábmudagájt ja ietjá dåjma ma giehtadalli stáhta rudájt. Mijá guoradallama viehkedi rijkkabiejvev válldet märrádusájt. Dat la aj máhtudak, mij aneduvvat dan diehti vaj buoredit ráddidusá ja fábmudagáj dåjmajt ja bargojt.
Mijá bälostahtekvuohta la tjáledum vuodolágan
Rijkkarevisjåvnnå la ájnas oasse rijkkabiejve bärrájgåhtsemfámos. Mijá åvdåsvásstádus la vaddet rijkkabäjvváj ja álmmugij diedov gåk fábmudagá stivrriduvvi ja man buoret politihkalasj märrádusá doajmmi.
Revisjåvnå galggá årrot rabás ja duodalasj ja mij lip iesjrádaga ráddidusás ja ietjá fábmudagájs, ja miján la sierra ja ájnna mierredimfábmo majt sihtap guoradallat ja gåk mij dåjmadip guoradallamijt.
Rijkkarevisjåvnå guoradallama
Mij dahkap guovtelágásj guoradallamijt:
- Mij guoradallap gájkka stáhta fábmudagáj rieknikjahkediedádusájt ja vaj dárkestit vaj sij adni tjårggå ruhtadoalov.
- Mij guoradallap gåk ráddidus ja fábmudagá tjadádi dav politijkav majt rijkabiejvve la merram, degu dal vájkudime politijka märrádusájs.
Boados mijá bargos
Mijá guoradallamrappårtå almoduvvi bihkusi ja sjaddi oasse rijkabiejve bargos dajna vaj guoradallat ráddidusáv. Da aj aneduvvi fábmudagájs, åtsådallijs, journalistajs ja iehtjádijs gudi sihti diehtet gåk stáhta gäktá värrorudájt.
Boados mijá bargos aj vuojnnu internasjonálat. Mij lip oasen hábbmimin vuodov sissŋel revisjåvnnåbargon ja doarjjop åvddånahttemav ietjá rijkaj revisjåvnnåfábmudagájt degu oassen svieriga viehkkedårjas.
Jus li gatjálvisá?
Jus la dujna gatjálvisá le dån buorisboahtem válldet aktavuodav mijájn.
Åniájggásasj stivrrim bargos viesso unneplågogielajs
Mij lip guoradallam stáhta dåjmav doarjjomijn nasjonála unneplågogielajt. Dánna vuollelin dån máhtá oadtjot åna tjoahkkájgessusav.
Svierigin li jiddisch, suobma, meänkieli, romána chib ja sámegiella li dåhkkidum nasjonála unneplågogiellan. Gájka adni riektáv ságastit sijá gielav, danen gå giella ållu la ájnas oasse iesjvuodas. Unneplågogiela li aj oasse svieriga kultuvras ja kultuvrraárbes. Danen la stáhta válldám suv ámmádin doarjjot ja bisodit nasjonála unneplågogielajt.
Rijkarevisjåvnnå la guoradallam gåk muhtem fábmudagá barggi vaj bisodit nasjonála unneplågogielajt. Da fábmudagá li instituhta giella ja álmmukmujtto (Isof), Lenastivrra Stockhålma lenan, Lunda universitehta, Sámedigge, Stáhta skåvllåverka, Stockhålma universitehta, Södertörna allaskåvllå, Universitehta- ja allaskåvllåráde (UHR) ja Ubbmema universitehta.
Rijkarevisjåvnå boados la vaj stáhta dåjma ássjes älla nuohkása. Dasi nali máhttá stáhta adnet sijá dårjajt ienep dåjmalattjat, dajna vaj juohket dårjav guhkep ájggáj farra gå åna ájggásasj dåjmajda.
Rijkarevisjåvnnå dan diehti ävtot ráddidusáv vaj stivrrit sijá fábmudagájt ienebut guhkaájggásasj vuoge milta, nåv vaj oadtju dahkat guhkep ájggomusmáhttelisvuodajt. Dat sisadná Skåvllåverka ámmádav vaj biedjat aktij åhpadusáv vaj doarjjot dagov oahppamnävojda unneplågogielajn, Isof:a åvdåsvásstádus giellaguovdos, ja Lenastivrra Stockhålma ja Sámedikke bärrájgåhtsem dårja bargojn.
Rijkarevisjåvnnå aj ävtot åvdåsvásstediddje åhpadussajijt ja UHR buoret diehtojuohkemav ja gåk máhttelisvuoda li sjaddat åhpadiddje unneplågogielajda. Dasi nali bagát Rijkarevisjåvnnå vaj ráddidus sirddá web-biele åvdåsvásstádusáv Minoritet.se Lenastivraj Stockhålma lenan jali ietjá hiebalasj fábmudahkaj, manna l doajmma dahkat bielev álkkebun addnijda.