I Državno revizorsko služba si jekh nezavisno inspekcija tari buči andi država.
Kroz i nezavisno inspekcija, amen dam jekh uvid ko gova kaj trošim pe e državače pare, em kobor efikasno o organ tari vlast kerena buči em da li e političke odluke indžaren ki gova so von mangle te postignin.
Svako isile pravo te džanol sar i država čerol pi buči
Trubul te avol tumen poverenje ki gova da e odluke save si ande te aven poštujime em e pare taro porez te koristin pe efikasno. Kroz amari inspekcija, amen doprinesim transparetnost ki gova sar funkcionisil e državako sistemi.
I državno revizorsko kancelarija si organ taro Parlamenti. Amaro zadatko si te džanam kobor fino funkcionisil i buči tari država. Amen čeram inspekcija tari vlada, tare državače organija em avera preduzeća save upravljin e državače parencar. Amare inspekcije pomožin ko Parlamenti te anol pe odluke. Gova si jekh džandipe so šaj te iskoristil pe te džal anglal i i buči andi vlast em o organija.
Amari nezavisnost si upisome ano Ustav
E državači revizorsko služba si jekh važno deo tari kontrolno snaga ko Parlamenti. Amari odgovornost si o Parlamento em i javnost te dam jek đandipe ki gova sar upravljil pe i vlast em kobor fino funkcionisil i političko reforma.
Te bi osigurim da i revizija si objektivno em cenime, nezavisno sam tari vlada em avera organa. Em isi amen jedinstveno mandati em nezavisno te odlučim so ka revidirim em sar ka čeram e revizije.
E Državaki revizijaki inspekcije
Amen čeram duj vrste inspekcije:
- Inspektirina sa e beršese izveštajura taro sa e vladake organija te bi avasa sigurne da si lendje finansije fine.
- Pučam sar i vlada em i vlast sprovodin i politika savi anda pe ko parlament, sar naprimer e efektura tare političke reforme.
E rezultatura tari amari buči
E revizorske izveštajura objavin putardeste em čerdon deo tari buči ande Parlamento ki inspekcija vlade. Koristin len i vlast, e istraživačura, novinara em avera so mandžen te pratin sar i država koristil e pare taro porez.
E rezultatura tar amari buči si vidljive em ko međunarodno plan. Uključime sam em ko razvoj standarda ki revizija i podržavim o razvoj tare revizorske organura tar aver phuv sar kotor katar švedsko razvijibasko pomoć.
Isi tumen pitanjura?
Ako isitumen bilo save pitanjura, slobodno šaj te kontaktuin amen.
O Kratkoročno upravljipe bučasa zake đuvde manjinske čhiba
Dikhlam da o napor e Državako promovišil e čhiba tari nacionalno manjina. Anglal šaj te aračhen kratke rezime.
Ki Švedsko si e jidiš, e finski, e meankikli, e romane em e samisko si priznajime čhiba ki sar nacionalno manjinenge čhiba. Svako isile pravo te vačarol ki pi čhib, a i čhib često čerol jekh važno deo tar nekaso identitet. E manjinenge čhiba si isto deo tari švedsko kultura, em e kulturako nasleđe. Dakle, i država slažilpe te ičarol pe i čhib tari nacionalno manjina ko životo.
I Švedsko nacionalno kancelarija za reviziju ispituida sar jekh broj organa čerol te aračhol e čhiba tari nacionalno manjine. Gola organora si Instituti za ki čhib em folklor (Isof), Okružno upravno odbor taro krugo Štokholm, Univerzitet ki Lund, Parlament, Nacionalno školako odbori, Univerzitet ko Štokholm, Univerzitet Södertorn, Savet taro univerzitet em baro obrazovanje (UHR) em Univerzitet ki Umeå.
O zaključak tari državači revizija si da o napor tari država naj dovoljno. Isto agjate, i država šaj efikasno te koristil pire resurse agjate so ka distribuilen ko pobaro vremensko period umesto ke kratke rafalura.
E Državači revizorsko služba ki gova predložil da i vlada sa piri agencija upravljil ko jekh pobaro način, sar bi von avolalen bolje uslovura za planiranje. Gova si deo misije tari Nacionalno agencija za obrazovanje te koordiniril i nastava em te promovišil o materijal ano sikljoipe ki čhiba ande manjine. Isof- akaja odgovornost za ke čhibako centar, sar o Okružno administrativno odbor okruga taro Štokholm em plus so pratin e zadatkora kova si le o Sametinget.
E Državači revizorsko služba isto predložil da o nadležno univerzitet em o Univerzitet so si čerde tari nauka te džan po anglal sa e informacije za ki mogućnost te bi čhona pe nastavnikora ke čhiba ani manjina. Uz gova e državako ured za reviziju preporučil i vlada te dol odgovornost za ki veb stranica Minoritet.se ano Okružno upravno odbor taro Štokholm ili avera odgovarajućo organ, savo ka avol le zadatko te čerol i stranica pobuter te koristil pe.