O Riksrevisionen – jek njezależno investigatori pe le themeske buča
Pa jek njezależno investigacija ame das drom te dikhen kaj e themeske love zjan, sar efektivnje le myndighetura keren buči taj ke e politični desiziji ingeren karing kodo so sas gindosardo.
Savoren si e prava te žanen sar o them kerel peski buči
Tu si te biris te bizis tu ke le desiziji save kerdej inkerdžon, taj ke e škatoske love si hasnime efektivnje. Pa amare investigaciji, ame das drom te dikhen sar o them kerel peski buči.
O Riksrevisionen si jek myndighet tela o riksdagen. Amari buči si te žanas avri če mišto o them kerel peski buči. Ame keras investigaciji po regeringo, pe themeske agenciji taj pe kaver save hasnin le themeske love. Amare investigaciji žutin le riksdagenos te lel desiziji. Kado si žanglipe, savo šaj avel hasnime te lašaras le regeringoski taj le myndighetongi buči.
Amaro njezależność iskirimej ando o themudno zakono
O Riksrevisionen si jek importantno kotor ando riksdagenosko kontrolako makto.
Amari responsabiliteta si te das le riksdagenoske taj le narodoske žanglipe pa sar le myndighetura si ingerde taj ke če mišto e politični reformura funkciolin.
Te šaj e revizija te avel objektivno, ame sam niezależni katar o regeringo taj kaver myndighetura, taj amen si jek unikato mandato ekžene te alosaras so ame te investigulisaras taj sar te keras le investigaciji.
E Riksrevisionoske investigaciji
Ame keras duj falura investigaciji:
- Ame investigulisaras sa le themudne myndighetonge beršeske redoviciji te keras siguro ke lengi ekonomia sa po thani.
- Ame investigulisaras sar o regeringo taj le myndighetura keren e politika savi o riksdagen alosardas, na primer le efektura khatar e politični reformura.
O resultato amara bučako
Amare investigacijake raportura publicimej puterdes taj kerdžon jek kotor anda e riksdagenoski buči te investigulin o regeringo. Von vi hasnimej khatar e myndighetura, naukofcura, žurnalistura taj kaver save kamen te dikhen sar o them hasnij e škatoske love.
O resultato amara bučako dičol vi internacionalnje. Ame nevaras le standardura ande revizija taj žutisaras kavere themenge myndigheton te nevaren penge reviziji, sar jek kotor anda o švedicko daro.
Si tu pušimata?
Te si tu pušimata šaj les kontakto amenca.
Jek skurto vramako kerunko ande buči pe žuvinde minoritetonge šiba
Ame investigulisardam le themeske buča kaj so žutin le nacionalni minoritetonge šiban. Katka tele šaj les udžalo ande jekh skurto raporto.
Ando Švedo si e jiddisch, e finska, e meänkieli, e romani čhib taj e samiska pinžarde sar nacionalni minoritetonge šiba. Savoren si prava te vorbin pengi šib, taj e šib si butivar jek importantno kotor anda le manušesko identiteto. Le minoritetonge šiba si vi jek kotor anda e švedicko kultura taj e kulturaki historia. Anda kodo las o them pe peste te inkerel le nacionalni minoritetonge šiba žuvinde.
O Riksrevisionen investigulisardas sar unji myndighetura keren buči pe kodo ke tena hasajven le nacionalni minoritetonge šiba. Kadala myndighetura si o Institutet för språk och folkminnen (Isof), Länsstyrelsen ando Stockholms län, Lunds universitet, Sametinget, Statens skolverk, Stockholms universitet, Södertörns högskola, Universitets- och högskolerådet (UHR) taj o Umeå universitet.
O Riksrevisionen areslas kaj kodo ke e themeske buča naj dosta. Taj o them šaj hasnij peske resursura maj efektivnje te ulavela len pe maj lungo vrama taj na feri po skurto.
O Riksrevisionen phenel ke o regeringo trubuj te kerulij peske myndigheton jekhe maj lungone vramake gindosa, te šaj planulin maj feder. Kado si pa Skolverket te šon khetane sičarimata taj te žutin te keren produktura sičarimaske ande le minoritetonge šiba, o obovjonsko kaj o Isofs pa Språkcentrum, taj o Länstyrelsen ando Stockholms län taj e Sametingets investigaciaki taj žutimaski buči.
O Riksrevisionen phenel vi ke le šerutne sičarimaske thana taj o UHR te keren maj laši informacia pa sar si te kerdžos sičiatori ande minoritetonge šiba. Taj o Riksrevisionen rekomendulij ke o regeringo te šol o obovjonsko pa e internetoski rig o Minoritet.se kaj o Länstyrelsen ando Stockholms län vaj jek kaver myndigheto, savo avela len e buči te keren e internetoski rig maj laši.