Riksrevisionen – jekh oberoende jurare palla statens mengrepa
Palla oberoende jurepa dokka vorsnos dikkepa andre savo statens lové jar to, so latscho beddoni mengrar ta palla politiska pottepa jar to dova kavva honkade to.
Sass kammar horrta te jana so staten kera siro mengrepa
Diro nascht pattscha pre te dova pottepa tjakkes kamma kerats jar ninna ta te skattelové keras latscho. Palla vorsnos jurepa haschta vorsnos to dikkepa andre palla so statens verksamhet aschar.
Riksrevisionen honkar jekh beddoni tele riksdagen. Vorsno mengrepa honkar te le to jana so feidi Statens mengrepa honkar. Vorsnos jurar regeringen, statliga beddoni ta vaver mengrepa tjakkes kammar statliga medel. Vorsnos jurepa haschtar regeringen te kera pottepa. Dova aschar goschvalopa tjakkes nascht keras gla te kera fedder regeringens ta beddoni mengrepa.
Vorsnos oberoende ster dre grundlagen
Riksrevisionen aschar jekh viktig botta aschter riksdagens kontrollmakt. Vorsnos ansvar honkar te dela riksdagen ta manusch goschvalopa palla so beddoni styrs ta so feidi politiska reformer aschar. Gla te revisionen nascht honka objektiv ta kovano aschar vorsnos kokkaro te potto fann regeringen ta vaver beddoni, ta vorsnos kammar jekh unikt mandat te kokkaro ascha pottano savo vorsnos nascht jura ta so vorsnos kerar jurepan.
Riksrevisionens jurepa
Vorsnos kerar duj vaver jurepa:
- Vorsnos jurar saro statliga beddonis berscheskesikkrepa gla te ascha horrta te lengero kamma ordning dre siro lové.
- Vorsnos jurar so regeringen ta beddoni kerar dova politik tjakkes riksdagen potto, to exempel effekterna aschter politiska reformer.
Resultatet aschter vorsnos mengrepa
Vorsno jurepa rapporter sikkras chi klist ta bliddra jehk botta aschter riksdagens mengrepa ninna te jura regeringen. Dova keras tjakkes aschter beddoni, forskare, journalister ta vaver tjakkes voltra dikka so staten använder skattelovér.
Resultatet aschter vornos mengrepa dikkas internationellt. Vorsnos aschar ninna ta kera vri standarder andreal revision ta stödjer utvecklingen aschter vaver thems revisionsbeddoni tjakk jekh botta aschter dova schwediko dokkepa.
Kamma diro frekkrepa?
Pall diro kammar frekkrepa aschar diro feidi to ava te rakkra to vorsnos.
Kortsiktig styrning aschter mengrepa gla jiddro minoritetschib
Vorsnos kamma jurat statens mengrepa gla te främja dova minoritetschiba. Kaj tele nascht diro le pasch aschter jekh kutti sammanfattning.
Dre Schwedo honkar jiddisch, finska, meänkieli, romanichib ta samiska prinschano tjakkes themeske minoritetschib. Sass kamma tjattschot te rakkra siro chiba, ta chib honkar jekh baro botta aschter siro identitet. Minoritetschiba aschar ninna jekh botta aschter dova Schwedigo kulturen ta kuturarvet. Doj gla kammar staten lett pre siro te riggra dova themske minoritetschiba jiddro.
Riksrevisionen kamma jurat so jekh var beddoni mengrar gla te kamma dova themeske minoritetschiba. Kavva beddoni aschar Institutet gla chiba ta folkminnen (Isof). Länsstyrelsen dre kaschtaforo them, Lunds universitet, Sametinget, Statens skolverk, Kaschtaforo universitet. Södertörns högskola, Universitetets-ta högskolerådet (UHR) ta Umeå universitet.
Riksrevisionens slutssats honkar te statens mengrepa chi aschar dosta. Ta nascht Staten kamma siro mengrepa but latscho, palla te parra dolle tele jekh langsno tija dre stället gla dre kutti satsningar.
Riksrevisionen putscha dojgla te regeringen ler siro beddoni pre jekh but langsno dikkepa, tjakk te lengero fyssa fedder paleringsförutsättningar. Dova aschar Skolverkets mengrepa te kera kettane sikkrepa ta främja kerepa aschter drabbrepa dre minoritetschiba. Isofs ansvar gla språkcentrum, ta Länstyrelsen dre kaschtaforo them ta sametingets uppföljande ta stödjande mengrepa.
Riksrevisionen putscha ta tjakkes te ansvariga drabbrepahispa ta UHR kera fedder informationen palla sar möjligheterna te bliddra drabbrare dre minoritets chiba. Ta rekommenderar Riksrevisionen te regeringen kera vri ansvaret gla webbsteddom minoritet.se to Länstyrelsen dre Kaschtaforo them vai jekh vaver fedder beddoni, tjakkes ler dre mengrepa te kera rigga but användarlatscho.